முக்கிய செய்திகள்:
டெல்லி மக்களுக்கு இலவச குடிநீர் டெல்லி அரசு அறிவிப்பு

புதுடெல்லியில் ஆட்சியைப் பிடித்துள்ள ஆம் ஆத்மி கட்சி, தேர்தல் வாக்குறுதிகளை நிறைவேற்றுவது தொடர்பான ஆலோசனையில் ஈடுபட்டுள்ளது.

குறிப்பாக, குடும்பத்திற்கு தினமும் 700 லிட்டர் குடிநீர் இலவசமாக வழங்கப்படும் என்ற வாக்குறுதியை நிறைவேற்றுவதற்கு முதல்வர் கெஜ்ரிவால் உடனடியாக கையெழுத்திடுவார் என்று எதிர்பார்க்கப்பட்டது.

ஆனால் அவரது உடல்நிலை பாதிக்கப்பட்டதால் திட்டத்தை அறிவிப்பதில் தாமதம் ஏற்பட்டது. இருப்பினும், இது தொடர்பாக கெஜ்ரிவால் இன்று தனது வீட்டில் குடிநீர் வாரிய அதிகாரிகளை வரவழைத்து ஆலோசனை நடத்தினார்.

இக்கூட்டத்தில் இலவச குடிநீர் வழங்க கெஜ்ரிவால் ஒப்புதல் அளித்ததையடுத்து அறிவிப்பு வெளியிடப்பட்டது.இதுதொடர்பாக குடிநீர் வாரிய தலைமைச் செயல் அதிகாரி விஜய குமார் கூறியதாவது,ஜனவரி 1-ம் தேதி முதல் ஒவ்வொரு குடும்பத்திற்கும் மாதம் 20 கிலோ லிட்டர் (20 ஆயிரம் லிட்டர்) குடிநீர் இலவசமாக வழங்க அரசு முடிவு செய்துள்ளது. அதனால், தினமும் 670 லிட்டர் இலவசமாக குடிநீர் கிடைக்கும். இது மொத்தமாக கணக்கிட்டு இந்த அளவை விட கூடுதலாக பயன்படுத்தும் குடிநீருக்கு கட்டணம் வசூலிக்கப்படும்.இவ்வாறு அவர் கூறினார்.

 

மேலும் செய்திகள்