Deprecated: mysql_connect(): The mysql extension is deprecated and will be removed in the future: use mysqli or PDO instead in /home/content/55/10886855/html/makkalkattalai/tamizhagatimes/adminpanel/inc/config.php on line 12
காட்டு யானை தாக்கி பலியான குடும்பத்தினருக்கு ஜெயலலிதா நிதி உதவி - Tamizhaga Times
முக்கிய செய்திகள்:
காட்டு யானை தாக்கி பலியான குடும்பத்தினருக்கு ஜெயலலிதா நிதி உதவி

முதல் – அமைச்சர் ஜெயலலிதா வெளியிட்டுள்ள அறிக்கையில் கூறி இருப்பதாவது:–

22.2.2014 அன்று கோயம்புத்தூர் மாவட்டம், வால்பாறை அருகே நல்லமுடி பகுதியைச் சேர்ந்த கருப்பையா, 5.3.2014 அன்று ஈரோடு மாவட்டம், சத்தியமங்கலம் வட்டம், தாளவாடி உள்வட்டம், தலமலை கிராமம், தொட்ட புரத்தைச் சேர்ந்த ராச்சையா என்பவரின் மகன் ராச்சன் ஆகியோர் காட்டு யானைகள் தாக்கியதில் சம்பவ இடத்திலேயே உயிரிழந்தனர்.

ஈரோடு மாவட்டம், அய்யம்பாளையம், பவானிசாகர் நீர்பிடிப்பு பகுதி அருகே கோயம்புத்தூர் மாவட்டம், மேட்டுப்பாளையம் வட்டம், சிறுமுகை நால்ரோடு பகுதியைச் சேர்ந்த ராஜன் என்பவரின் மனைவி சின்னாள் என்கிற ராமாத் தாள் 6.3.2014 அன்று காட்டு யானை தாக்கியதில் பலத்த காயமடைந்து மருத்துவ மனையில் அனுமதிக்கப்பட்டு சிகிச்சை பலனின்றி 7.3.2014 அன்று காலமானார் என்ற செய்தியையும் அறிந்து நான் மிகவும் துயரம் அடைந்தேன்.

காட்டு யானைகள் தாக்கியதில் அகால மரணமடைந்த கருப்பையா, ராச்சன் மற்றும் சின்னாள் என்கிற ராமாத்தாள் ஆகியோரின் குடும்பங்களுக்கு எனது ஆழ்ந்த இரங்கலையும், அனுதாபத்தையும் தெரிவித்துக் கொள்கிறேன்.

இந்த துயரச் சம்பவங்களில் உயிரிழந்தவர்களின் குடும்பங்களுக்கு வனத்துறை மூலம் தலா மூன்று லட்சம் ரூபாய் உடனடியாக வழங்க நான் உத்தரவிட்டுள்ளேன்.

இவ்வாறு முதல்–அமைச்சர் ஜெயலலிதா கூறி உள்ளார்.

மேலும் செய்திகள்