Deprecated: mysql_connect(): The mysql extension is deprecated and will be removed in the future: use mysqli or PDO instead in /home/content/55/10886855/html/makkalkattalai/tamizhagatimes/adminpanel/inc/config.php on line 12
திமுகவும், அதிமுகவும் ஒருவருக்கொருவர் குற்றம்சாட்டியே கொண்டிருக்கிறார்கள் : நரேந்திர மோடி - Tamizhaga Times
முக்கிய செய்திகள்:
திமுகவும், அதிமுகவும் ஒருவருக்கொருவர் குற்றம்சாட்டியே கொண்டிருக்கிறார்கள் : நரேந்திர மோடி

ராமநாதபுரத்தில் பிரச்சாரம் மேற்கொண்ட நரேந்திர மோடி பேசியதாவது:,

தமிழகத்தில் முதன்முதலாக நம்பகத்தன்மை உள்ள ஒரு மாற்று சக்தி உருவாகி உள்ளது. சமுதாய கண்ணோட்டத்தில் அரசியல் கண்ணோட்டத்திலும் நம் கூட்டணிதான் மாற்றத்தை ஏற்படுத்தப் போகிறது. தமிழகத்தின் நன்மைக்காகவும், இந்த மக்களின் பாதுகாப்புக்காகவும் உருவான கூட்டணி இது.

பல ஆண்டுகளாக தமிழகத்தில் மாற்று சக்தி இல்லாமல் இருந்தது. ஒரு முறை திமுக, மறுமுறை அதிமுக என மாற்றி மாற்றி ஆட்சிக்கு வந்து, ஒருவருக்கொருவர் குற்றம்சாட்டியே நேரத்தை வீணடித்துக் கொண்டிருக்கிறார்கள்.

குஜராத் மீது பெரும் அன்பு வைத்திருக்கிறார் அப்துல் கலாம். குஜராத் இளைஞர்களுக்காக வந்து பேசி சிறப்பித்திருக்கிறார். அப்துல் கலாம் முதன்முதலில் பணியாற்றிய இடம் அகமதாபாத்.

தேசிய ஜனநாயகக் கூட்டணி அரசு ஆட்சிக்கு வந்தால், சிவகாசி தொழிற்சாலை மேம்பட உரிய நடவடிக்கைகள் எடுக்கப்படும் என்று சிவகாசியில் உள்ள சிறு தொழிலாளர்களுக்கு வாக்குறுதி அளிக்கிறேன்.

தமிழகத்தில் உள்ள மீனவர்கள் மீது இலங்கை கடற்படை தாக்குகிறது. அதேபோல், குஜராத் மீனவர்களும் பாகிஸ்தான் கடற்படையால் துன்புறுத்தப்படுகின்றனர். இந்த நிலைமைக்கு, காங்கிரஸ் அரசின் துணிவின்மையே காரணம்.

தமிழர்களுக்கு தண்ணீர்தான் பெரும் பிரச்சனையாக உள்ளது. விவசாயத்திற்கு தண்ணீர் இல்லை; மின்சாரம் இல்லை. வாஜ்பாய் கனவு நினைவுக்கு வருகிறது. காவிரி, கங்கை என இந்திய நதிகளை இணைப்பதற்கு அவர் கனவு கண்டார். அதற்கான முயற்சிகளை முன்னெடுத்தார். நான் இப்போது உறுதி அளிக்கிறேன். பாரதிய ஜனதா தலைமையிலான தேசிய ஜனநாயகக் கூட்டணி ஆட்சிக்கு வந்தால், தமிழகத்தின் தண்ணீர் பிரச்சினையைத் தீர்க்கும் வகையில், நதிகள் இணைப்புத் திட்டத்தை நிறைவேற்ற நடவடிக்கை எடுக்கப்படும" என்றார் நரேந்திர மோடி.

 

மேலும் செய்திகள்